ELBASAN– Gjykata e Elbasanit ka vendosur këtë të enjte të lirojë nga burgu dy rusët Svetlana Timofeva dhe Mikhail Zorin si dhe ukrainasin Fedir Alpatov. Shkak është bërë mbarimi i afatit të paraburgimit. Raportohet se Timofeva dhe Alpatov do të qëndrojnë nën masën detyrim paraqitje ndërsa Zorin në arrest shtëpie. Svetlana Timofevës e Fedir Alpatovit iu bllokohet pasaporta që të mos dalin jashtë Shqipërisë.
Fedir Alpatov, Svetlana Timofevaa dhe Mikhail Zorin u arrestuan më 20 gusht në uzinën e Gramshit nën akuzën e spiunazhit. Ata hynë në uzinë së bashku me aparatet fotografike me vete dhe në momentin që u pikasën nga ushtarët që ruanin objektit i sulmuan me spraj djegës duke u shkaktuar lëndime. Ushtarët pas mjekimit u larguan në banesë.
Ata janë akuzuar për spiunazh për mungesa e provave ka sjellë dhe rezultatin e kësaj të enjteje ku masa e tyre e sigurisë u zbut. Ata I kanë mohuar gjithmonë akuzat e spiunazhit dhe kanë deklaruar se janë blogerë.
