VLORË– Kryeministri Edi Rama e ka ndalur këtë të shtunë turin e tij të falenderimeve pas zgjedhjeve të 14 majit në qarkun e Vlorës. Gjatë një takimi në Bashkinë e Selenicës Rama tha se qytetarët refuzuan modelin e ofruar nga kryedemokrati Sali Berisha dhe kreu i Partisë së Lirisë Ilir Meta. Sipas Ramës qytetarët e djathtë të cilët nuk pranuan të dalin në votim refuzuan të mbështesin Berishën dhe Metën. Ndër të tjera kreu i qëeverisë premtoi investime në bashki.
Edi Rama; Në 14 maj bënë një hap të mençur disa duke votuar për kandidatët tanë, disa duke mos dalë në votim. Mosdalja në votim e një pjese të tyre është kontributi më i rëndësishëm që ata kanë dhënë për të ardhmen e vendit tonë sepse nuk pranuan të dalin në votim përtë vënë kryqin e votës së tyre tek një bashkim hijesh të së shkuarës që janë aty për ta tërhequr Shqipërinë vetëm mbrapa por dështuan dhe do vazhdojnë të dështojnë sepse ne do shkojmë vetëm përpara. Kam besim që rruga e lumit të Vlorës siç ka sjellë rritjen e menjëhershme të vlerës së tokave do sjellë edhe rritjen e vlerave të ekonomisë së zonës. Është një luginë e cila vitet e ardhshme do kthehet në destinacion turistik sepse është mrekulli e vërtetë dhe do jetë një zonë komplementare me bregun e detit dhe do jetë një territor ku shumëkush do preferojë të shkojë atje para se të shkojë në breg të detit.
