Mbetje të ndryshme përfshirë dhe spitalore hidhen në brigjet e lumit Mat, 100 metra larg burgut të Shënkollit në Lezhë.
Ky vend është kthyer në landfill mbeturinash të cilat dyshohet se shkarkohen gjatë natës në një perimetër të konsiderueshem, duke krijuar ndotje mjaft të madhe në të gjithë zonen përreth.
Kjo situatë vijon prej kohësh, ndërsa me rritjen e prurjeve të lumit mbetjet përpihen nga rrjedha e ujit dhe përfundojnë në det.
