TIRANË– Vendi ynë do të ndikohet nga kushte atmosferike relativisht të paqëndrueshme. Moti parashikohet fillimisht në orët e para të ditës i kthjellët e vranësira të pakta kalimtare.
Nga orët e mesditës dhe më pas deri në orët e vona të pasdites mot me kthjellime dhe vranësira deri të dendura.
Vranësirat e dendura pas orëve të mesditës do të shoqërohen me reshje shiu me intenistet të ulët ndërsa në relievet kodrinore – malore këto reshje në formën e rrebesheve dhe shtrëngatave.
Era do të fryjë me drejtim veriperëndim – verilindje me shpejtësi mesatare deri 8m/sek, në bigjet e bregetit veriperëndimor shkon deri në 12m/sek. Valëzimi në dete do të jetë i forcës nga 1-2 ballë.
