TIRANË– Fredi Beleri, kryebashkiaku i zgjedhur i Himarës në zgjedhjet e 14 majit, i cili ndodhet në burg për akuzën e shit-blerjes së votës ka shfaqur probleme me zemrën dhe është dërguar në spitalin e burgut për të qenë nën kujdesin ne mjekëve.
Fredi Beleri u arrestua nga Policia e Vlorës një natë para zgjedhjeve vendore të 14 majit nën akuzën e “Korrupsionit aktiv në zgjedhje”. Çështja i kaloi për hetim Prokurorisë së Posaçme Kundër Korrupsionit dhe Krimit të Organizuar (SPAK). Pak ditë më parë Gjykata e Posaçme i caktoi masën e arrestit me burg ndërsa Komisioni Qëndror i Zgjedhjeve i dha mandatin e kryebashkiakut.
