LUSHNJE– Dy persona kanë mbetur të plagosur mëngjesin e kësaj të marte pasi makinat me të cilat ata udhëtonin u përfshinë në një aksident daljen veriore të qytetit të Lushnjes.
Raportohet se një taksi në të cilën udhëtonte një mësuese u përplas me një tjetër makinë në një kryqëzim, pranë një shkolle. Për pasojë mësuesja dhe taksisti mbeten të plagosur.
Ata u dërguan menjëherë në spital dhe ndodhen nën kujdesin e mjekëve. Policia po punon për zbardhjen e plotë të shkaqeve të aksidentit.
