SARANDË– Një 20-vjeçar i identifikuar me inicialet M.B është vënë në prangat e Policisë së Sarandës këtë të martë pasi akuzohet për vrasje të mbetur në tentativë. Vepër penale kryer në vitin 2020. I riu u netralizua në një operacion të forcave “Shqiponja”. Në 10 janar 2020, në lagjen nr. 4, Sarandë, dyshohet se pas një konflikti për motive të dobëta, 20-vjeçari ka tentuar të vrasë me thikë një person të identifkuar me inicialet R. A., të cilit i ka shkaktuar dëmtime të rënda. Në kuadër të këtij operacioni, së bashku me 20-vjeçarin janë arrestuar edhe dy persona të tjerë të identifkuar me inicialet I. H., 26 vjeç dhe M. B., 19 vjeç, pasi dyshohet se kanë përkrahur të riun që të fshihej.
NJOFTIMI I POLICISË:
Finalizohet operacioni policor i koduar “Expose”, për lokalizimin, kapjen dhe vënien në pranga të një shtetasi të shpallur në kërkim. Tentoi të vriste me mjet prerës (thikë), një shtetas, pas një konflikti të ndodhur ndërmjet tyre, më datë 10.01.2020, kapet dhe vihet në pranga 20-vjeçari i shpallur në kërkim. Vihen në pranga edhe 2 shtetas të tjerë, pasi dyshohet se kanë përkrahur 20-vjeçarin, me qëllim fshehjen. Specialistët e Seksionit për Hetimin e Krimeve të Komisariatit të Policisë Sarandë, në bashkëpunim me shërbimet e Forcës së Posaçme “Shqiponja”, bazuar në informacionet e siguruara nga inteligjenca informative, për vendndodhjen e një shtetasi të shpallur në kërkim për një rast të krimeve kundër personit, kanë organizuar dhe finalizuar operacionin policor të koduar “Expose”, si rezultat i të cilit u lokalizua dhe u kap shtetasi M. B., 20 vjeç, banues në Sarandë.
20-vjeçari ishte shpallur në kërkim, pasi Gjykata e Shkallës së Parë Sarandë i ka caktuar masën e sigurisë “Arrest në burg”, për veprën penale “Vrasja”, mbetur në tentativë. Më datë 10.01.2020, në lagjen nr.4, Sarandë, shtetasi M. B. dyshohet se pas një konflikti për motive të dobëta, ka tentuar të vrasë me mjet prerës (thikë), shtetasin R. A., të cilit i ka shkaktuar dëmtime të rënda. Në kuadër të këtij operacioni, së bashku me shtetasin M. B. janë arrestuar edhe shtetasit I. H., 26 vjeç dhe M. B., 19 vjeç, pasi dyshohet se kanë përkrahur 20-vjeçarin që të fshihej. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
