TIRANË– Zbardhet dëshmia e Redjan Rrajës dhënë këtë të martë para hetuesve të Prokurorisë së Posaçme Kundër Korrupsionit dhe Krimit të Organizuar (SPAK). Mësohet se ai ka folur rreth marrëdhënies me modelen Kejvina Kthella, së cilës SPAK i ka sekuestruar një makinë tip “Audi” pasi dyshohet se ëshë blerë nga Rraja. Ky i fundit ka deklaruar se modelen e ka mikeshë dhe nuk ia ka blerë ai makinën.
Redjan Rraja: Kam pasur marrëdhënie miqësie ne Kthjellën, por asgjë tjetër. Ajo makinë ka qenë më emër mbiemer të saj. Unë nuk kam lidhje fare. Është objekt që është i saj. Nuk e di kur është blerë. Në mënyrë absolute nuk kam kontribuar në blerjen e këtij mjeti. Kam tre klinika stomatologjike dhe siguroj deri në 200 milonë lekë të vjetra në vit. Asnjëherë nuk kam shpenzuar më shumë se fitimet e mia.
Redjan Rraja, nipi i deputetit socialist Rrahman Rraja u arrestua nga Policia teksa po tentonte të largohej nga Shqipëria drejt Malit të Zi e më pas drejt Italisë. Rraja akuzohet si një nga autorët e atentatit ndaj prokurorit Arjan Ndoja më 1 nëntor 2019, attentat ku mbeti i vrarë shoferi i tij. Rraja u zbulua nga shenjat e gishtave të gjetura në një palë syze në makinën Benz ngjyrë gri, që u gjet e padjegur në Ishëm.
