SARANDË-Etleva Bejko është 50-vjeçarja që humbi jetën ditën e sotme në aksidentin tragjik në Qafën e Muzinës. Makina e saj tip ‘Huyndai’ doli nga rruga dhe përfundoi në humnerë pasi u rrokullis disa herë. Ajo jetonte prej 25 vitesh ne Greqi ku kishte ndërtuar dhe biznesin e saj të tekstileve.
Mësohet se 1 orë përpara se të ndodhte aksidenti fatal ajo kishtre hyrë live në Facebook ku u tregonte ndjekësve rrugën drejt qytetit të Sarandës, vendlindja e saj, të cilën nuk mundi ta shihte për herë të fundit pasi udhëtrimi iu pre në mes. Ajo ishte kthyer në Shqipër për të takuar familjarët e saj.
NJOFTIMI I POLICISË:
Rreth orës 11:30, në vendin e quajtur Qafa e Muzinës, Sarandë, shtetasja E. B., 50 vjeçe, duke drejtuar automjetin tip “Hyundai” dyshohet se ka humbur kontrollin dhe ka dalë nga rruga. Si pasojë e aksidentit shtetasja E. B, ka ndërruar jetë, në vendngjarje. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
