TIRANË- Reformimi i trupës diplomatike shqiptare në botë prek dhe ambasadën e vendit tonë në Selinë e Shenjtë në Vatikan dhe në Malin e Zi ku duket se kryeministri Edi Rama do ua besojë dy grave postet e larta diplomatike. Raportohet se në Vatikan ku prej shumë vitesh vendi ynë është pa ambasador Ministria e Jashtme ka vendosur që e ngarkuara me punë Majlinda Dodaj të marrë detyrën e ambasadores.
Sipas Top Channel në Malin e Zi vendi ynë do të përfaqësohet nga Zhaklina Peto, e cila mban gradën e “Profesor Doktores” në drejtësi. Komisioni Parlamentar për Punët e Jashtme pritet në javën e ardhshme të nisë dëgjesat me kandidatët e propozuar për ambasador. Krahas presidentit Bajram Begaj këtij komisioni i ka mbërritur shkresa me emrat e propozuar, që mbajnë firmën e kryeministrit Edi Rama.
Dy ditë më parë,u raportuan edhe emrat e 4 të propozuarve për ambasador.
- Mustafa Nano është propozuar për të qenë ambasador i Shqipërisë në Zvicër.
- Ilir Gjoni i cili më herët ka qenë ambasador në Zvicër, mësohet se është propozuar të shkojë si ambasador në NATO.
- Ish-deputeti i Partisë Socialiste, Ervin Bushati pritet të zëvendësojë ambasadoren Floreta Faber, në SHBA.
- Vendin e kryebashkiakut të ri të Vlorës, Ermal Dredha në Emiratet e Bashkuara pritet ta zërë Ridi Kurtezi.
- Adia Sakiqi, ambasadore e Shqipërisë në Holandë, pritet të emërohet ambasadore në një tjetër shtet në BE.
- Meri Kumbe propozohet ambasador në Izrael
