SARANDË– Një 74-vjeçar i identifikuar me inicialet H.H është vënë nën hetim këtë të mërkurë nga Policia e Sarandës për shkak të shkeljes së rregullave të mbrojtjes në punë. Kjo pasi në hotelin në pronësi të tij, gjatë procesit të punës, është rrëzuar aksidentalisht dhe humbur jetën punëtori Edmond Kapo, 62 vjeç.
NJOFTIMI I POLICISË:
U referuan materialet në Prokurori ku nisi procedimi në gjendje të lirë për shtetasin H. H., 74 vjeç, banues në Sarandë, pasi dyshohet se për shkak të shkeljes së rregullave të mbrojtjes në punë, në hotelin në pronësi të tij, gjatë procesit të punës, është rrëzuar aksidentalisht shtetasi E. K., 62 vjeç, i cili për shkak të dëmtimeve të marra, ka humbur jetën. Vijon puna për dokumentimin e plotë ligjor të këtij rasti.
