Rikthehet pas shumë vitesh baleti “Don Quixote” në skenën e Teatrit Kombëtar të Operës dhe Baletit

Rikthehet pas shumë vitesh baleti “Don Quixote” në skenën e Teatrit Kombëtar të Operës dhe Baletit. TKOB shprehej pas mbrëmjes së parë, se përmes kësaj shfaqje baleti u përçua bukur historia e dashurisë së Kitrit me Basilion. “Pas më shumë se 2 dekadash, mbrëmë u soll mjeshtërisht në skenën madhështore të Teatrit Kombëtar të Operës dhe Baletit, premiera e baletit “Don Quixote”, duke i lënë radhën edhe 3 netëve të tjera aventura e të qeshura. Nëpërmjet figurave të gjuhës së trupës, nën koreografinë e Giuseppe Piccone-s dhe melodinë e Orkestrës Simfonike të TKOB-së, me dirigjimin e maestros, Jacoppo Sipari, u përçua bukur historia e dashurisë së Kitrit me Basilion”, thuhet nga TKOB në faqen e tij që ka ndarë edhe disa foto. Kjo vepër mbrëmë shënoi natën e fundit në skenën e TKOB. Kryevepra e baletit klasik “Don Quixote” është bazuar në romanin e famshëm satirik me të njëjtin titull të Miguel de Cervantes. Baleti “Don Quixote” shkruar nga kompozitori Ludwig Minkus erdhi në skenë në datat 26, 27, 29 dhe 30 maj. Më herët TKOB shprehej për një shfaqje të vërtetë artistike, me një galeri figurash të realizuara, për të qenë sa më pranë origjinales me mullinjtë e erës, gruan “perfekte” të një idealisti dhe emocionet e dashurisë së vërtetë. “Aventurat e Don Kishotit, që do t’ju zhysin në botën magjike të artit”, thuhej nga TKOB. Në vepër idetë kostumografike nga Dea Bejlerit dhe drejtuese e trupës së baletit Alisa Gjoni. Vepra u soll në skenë nga trupa e baletit, ku nuk munguan dhe nxënësit e Shkollës Kombëtare Koreografike. Kompozitori dhe violinisti Ludvig Minkus (1826-1917) shkroi disa balete të njohur, pothuajse të gjithë, veçanërisht baleti “Don Kishoti” interpretohen edhe sot në të gjithë botën. Kjo shfaqje baleti që erdhi për disa net në skenë është në vijim dhe të atyre, që janë shfaqur më parë në sezonin artistik të TKOB.