TIRANË– Transferimi i instituteve të Akademisë së Studimeve Albanalogjike do të rrisë kapacitetin intelektual në kërkimin shkencor shqiptar- ka thënë Kryetari i Akademisë së Shkencave, Skënder Gjinushi në një deklaratë për mediat! Ai ndër të tjera shprehu se ASA kishte mundësinë ose të kthehej në shkollë të lartë ose të dilte nga ai institucion, duke u bashkuar me Akademinë e Shkencave. Sipas Gjinushit, vetë Akademia e Studimeve Albanalogjike nuk e donte diçka të tillë, pra kthimin në institucion të arsimit të lartë sepse në këtë mënyrë vendi mbetej pa institut albanologjik, ndërsa theksoi se një vendim i tillë nuk do të thotë mbyllje e Akademisë së Studimeve Albanalogjike por transferim i instituteve të këtij institucioni!
“Këtë herë do punohet pë të rritur kapacitetin intelektual në kërkimin shkencor në tërësi. Ardhja e ASA-s pranë nesh lehtëson punën shkencore. Ligji për arsimin e lartë rregullon funksionimin e shkollave të larta. Atëherë ASA sduhet të zgjidhte ose të bëhet shkollë e lartë ose të dalë nga institucionit. Pjesën e shkollës së lartë ASA nuk e do as vetë. Sepse ajo do e linte Shqipërinë pa Institute Albanalogjike.
Kujtojmë se ditën e djeshme Këshilli i Ministrave, ka vendosur transferimin e instituteve të Akademisë së Studimeve Albanalogjike në Akademinë e Shkencave. Në një deklaratë për mediat ministrja e Arsimit, Evis Kushi tha se një vendim i tillë ishte i domosdoshëm për rritjen e nivelit të kërkimit shkencor, duke theksuar se ASA si institucion nuk ishte i akredituar ndërsa prej 8 vitesh nuk kishte regjistruar asnjë student.
