ELBASAN– Një 80-vjeçar nga Elbasani i identifkuar me inicialet A.B ka mbetur i plagosur mesditën e kësaj të enjteje pasi u përplas nga një makinë që drejtohej nga një 34-vjeçar i identifikuar me inicialet E.Xh. Ai është trasnportuar menjëherë në spital dhe ndodhet nën kujdesin e bluzave të bardha. Ndërkohë drejtuesi i mjetit është shoqëruar në Polici. Po punohet për zbardhjen e plotë të shkaqeve të aksidentit.
NJOFTIMI I POLICISË:
Rreth orës 12:00, në lagjen “28 Nëntori”, automjeti me drejtues shtetasin E. Xh., 34 vjeç, ka aksidentuar shtetasin A. B., 80 vjeç, këmbësor, i cili u dërgua në spital dhe ndodhet në kujdesin e mjekëve. Shtetasi E. Xh. u shoqërua në ambientet e Policisë, për veprime të mëtejshme procedurale. Grupi hetimor po punon për zbardhjen e rrethanave të aksidentit.
