TIRANË– Kryetari i Partisë Demokratike Sali Berisha ka deklaruar këtë të enjte se PD i ka të gjitha provat që sipas tij faktojnë manipulimin në Bashkinë e Kamzës por dhe në bashkitë e tjera. Gjatë një prononcimi për mediat pas daljes nga seanca e posaçme plenare në nder të vizitës së Presidentes së Hungarisë, që mbajti fjalën e saj para deputetëve Berisha tha se kryeministri Edi Rama po pengon Komisionin Qëndror të Zgjedhjeve ne dokumentimin e manipulimeve të pretenduara nga PD.
Sali Berisha: Dua të përshëndes vizitën e presidentes së Hungarisë, si një ngjarje të rëndësishme në marrëdhënien miqësore shekullore midis dy kombeve dhe marrëdhënieve të gjata mes dy vendeve tona. Shqiptarët kanë pasur te kombi hungarez një mik të shquar, kanë një aleat të shkëlqyer. I bëj thirrje KQZ që në emër të transparencës të dorëzojë cdo dokumentacion që disponon për farsen e tmerrshme zgjedhore në Kamëz dhe në Bashkitë e tjera. Ne disponojmë dokumenta të pakundërshtueshme se farsa e votimit në Kamëz ka qenë një farsë antikushtetuese, jo antiligjore. Ka një urdhër nga Rama që të mos dorëzohen dokumentat nga pala e interesuar. Kjo porosi duhet të hidhet poshtë nga KQZ. Do pengohet cdo përpjekje antikushtetuese të zhvilluar me datën 14 maj, në Kamëz e në një seri bashkish. Ne po kontribojmë për këtë proces. Të gjitha do jua japim, ato që kemi do ua dorëzojmë mediave. Ne nuk kemi asnjë lloj pretendimi.
