ITALI– Një ngjarje e rëndë ka tronditur Italinë ku një 33-vjeçar shqiptar i identifikuar si Alfonso Kola ka mbetur i vrarë pasi është goditur me thikë nga bashkëatdhetari i tij Petrit Gega, 52 vjeç. Ky i fundit pas ngjarjes u arratis por u vu në pranga më pas nga karabinierët. Mediat italiane shkruajnë se deri më tani Gega ka “kyçur” gojën para heturesve duke mos thënë asnjë fjalë në lidhje me ngjarjes që mund të çojë dhe në zbardhjen e saj.
Vrasësi i dyshuar, i cili me profesion është murator, jeton me gruan dhe fëmijët e tij. Sipas hetimeve, Kola dhe Gega njiheshin prej kohësh, por duket se mes tyre ka pasur tensione dhe debate të shumta. Nuk përjashtohet që në origjinën e krimit të ketë edhe mëri që datojnë shumë vite më parë.
Hetimet po fokusohen në motivin e mundshëm dhe në marrëdhënien mes viktimës dhe vrasësit. Mësohet se si viktima Alfons Kola ashtu edhe autori Petrit Gega janë nga fshati Kallmet Vogël i Lezhës. Banesat e tyre në këtë fshat janë vetëm pak metra larg njëra-tjetrës. Sipas banorëve familjet kanë patur marrëdhënie shumë të mira me njëra-tjetrën dhe janē të tronditur nga kjo ngjarje.
