SHIJAK– Detaje të reja janë zbardhur nga ngjarja e rëndë në Shijak ku 50-vjeçari Ardjan Çyrbja mbeti i plagosur në sy të gruas dhe fëmijës nga Ervis Hodo, 38-vjeç, i cili pas ngjarjes u arratis dhe është në kërkim nga Policia. Mësohet se i plagosuri dhe autori nuk ishin të panjohur për njëri-tjetrin pasi ishin fqinj në të njëtën lagje. por nuk është raportuar ndonjëherë për probleme me tyre. Sherri ka nisur në pazarin e qytetit për motive banale.
Në fillim ata janë konfliktuar me fjalë ku degjeneruan fyerje perosnale. Por ajo që duket se kishte përfunduar aty në fakt vijoi më vonë. Kështu në orën 22:00 të një nate më parë Ervis Hodo ka shkuar në banesë dhe ka marrë armën e zjarrit dhe i ka dalë në “pritë” Ardian Çyrbjen teksa ky i fundit ishte me gruan dhe fëmijën. Hodo ka qëlluar drejt tij me tre plumba, ku dy e kanë prekur në bark dhe një afër zemrës.
Kur Hodo ka niur të qëllojë mbi bashkëshortin e saj, bashkëshortja e Çyrbja i ka kërkuar që të ndalojë por ishte e kotë. E gjithë skena ndodhi në sy të fëmijës dhe gruas. I plagosuri u dërgua menjëherë në spital dhe ndodhet nën kujdesin intensiv të mjekëve. Policia ndërkohë po punon për kapjen e autorit. Pika të shumta kontrolli janë ngritur në qytet.
