TIRANË– Maks Haxhia, avokati i ish-ministrit të Brendshëm Saimir Tahiri ka dhënë detaje rreth lirimit të tij këtë të premte me vendim të Gjykatës së Elbasanit pas kërkesëns së prokurorit të çështjes. Për mediat Haxhia deklaroi se një nga arsyet e lirimit të klientit të tij ishte edhe gjendja shëndetësore e bashkëshortes. Po ashtu ai rënditi dhe 5 kushtet që çuan në lënien e qelisë nga Tahiri. Sipas tij ish-ministri nuk ka rrezikshmëri që të arratiset jashtë vendit.
Maks Haxhia: Nuk ka rrezikshmëri shoqërore, i kanë ngelur më pak se dy vjet, 1 vite e 7 muaj, ka të mitur në ngarkim, bashkëshortja vuan nga një sëmundje që kur e kapin krizat, nuk iu shërben fëmijëve. Këta 5 kushte pas 5 muajsh e ca që kur është paraqitur kërkesa ka bërë që gjykata ka dhënë vendimin për të ndryshuar vendimin. Do mbaj lidhje me shërbimin e provës. Nuk do paraqitet në shërbimni e provës por do ketë kontakte.Edhe për jashtë shtetit nëse do duhet të shoqërojë bashkëshorten.
