Keni provuar ndonjëherë që të spërkatni parfum mbi trupin tuaj, dhe vjen një moment, pasi disa orësh që ju nuk arrini të ndjeni më aromën e tij? Pavarsisht se gjatë gjithë ditës ju keni marr komplimenta të mrekullueshme në lidhje me atë parfum?
Vicken Arslanian, rithemelues i markës së parfumeve Commodity shpjegon arsyen: “Kjo quhet “hunda e verbër”, një fenomen në të cilin hunda juaj ndalon së dalluari një aromë.
“Ndodh kur hunda kupton se një aromë nuk përbën kërcënim ose nuk është helmuese dhe ndalon ta perceptojë atë. Përveç aromës, zakonisht ndodh në mjediset ku jemi për periudha të gjata kohore, kështu që ‘verbëria e hundës’ mund të ndodhë edhe me familjen, aromat dhe kafshët shtëpiake,” shpjegon ai për My Imperfect Life, duke shtuar, “i nuhatni ato në fillim – kur hyni në derë, por pas njëfarë kohe, aroma ka “ikur”.Sapo mësohemi me një erë dhe trupi ynë vendos se nuk është kërcënuese, e bllokon atë, duke e bërë hundën tonë të disponueshme për aromat e reja dhe çdo gjë që mund të ndodhë.
Por cfarë duhet që të bëjmë për të ndaluar “verbërinë e hundës” dhe të jemi në gjendje të nuhasim aromën e parfumit tonë të preferuar më gjatë ?
Ekspertët tregojnë se duhet të përzgjedhësh zonat e duhura që parfumi të jetë në gjendje të qëndrojë sa më gjatë. Duke e spërkatur atë jo në pjesën e përparme të qafës por në kycet e duarëve dhe prapa veshit. Beni kujdes mos të fërkoni duart sa herë aplikoni parfumin.
