“RRUSHE”, është seriali dramë/krim, me familjen Pirulli si protagonistë kryesorë.
Ka filluar transmetimi i këtij seriali,dhe mbrëmjen e kaluar janë bërë reagime të shumta për shkak se në një nga televizionet shqiptare ky serial është dhënë me titra.
Aktori Eshref Durmishi, që luajti në serialin “Rrushe”, tha se është krejt normale kjo gjë dhe për të nuk përbën ndonjë problem pasi mund të ketë dhe shumë shikues të cilët nuk janë në gjendje të dëgjojnë, dhe titrimi i serialit do të ishte i dobishëm për to.
“Nuk e kam këqyrur mbrëmë serialin në Top Channel, këto reagime i pashë sot në rrjete sociale, por edhe kur është transmetuar në Gjirafa Video ka qenë i titruar sepse ka shumë njerëz që nuk dëgjojnë dhe kanë nevojë ta lexojnë se çka po thuhet në serial. Kështu që për atë arsye është titruar edhe nga Gjirafa dhe ka qenë me titra opsionalë edhe në gjuhën shqipe edhe në atë angleze. I pashë reagimet sot, nuk mund të them shumëçka për këtë, nëse ka qenë veç i titruar është OK se ka njerëz që kanë vështirësi ta kuptojnë, edhe pse nuk është ndonjë slang shumë i rëndë, është një folme e përditshme në Kosovë. Nuk e kam parë vetë kështu që nuk mund të them se a ka qenë vetëm përkthim apo vetëm i titruar”, ka thënë Durmishi.
