Elsi Levendi, i akuzuar për vrasjen e menaxherit të VIP-ave, Jurgen Kurti, është dënuar me 15 vite burg, por për shkak të gjykimit të shkurtuar ai ai përfitoi dhe do të vuajë vetëm 10 vite e 8 muaj burg.
Por kush është Jurgen Kurti? Jurgen Kurti humbi jetën më 18 mars të vitit 2019, pas një atentati që i ndodhi pak metra larg shtëpisë së tij, në zonën e sheshit Willson në kryeqytet. Kurti sapo kishte zbritur nga makina e tij dhe po kalonte trotuarin për t’u ngjitur në banesë kur ndaj tij u qëllua duke e lënë vdekur në vend.
Ai është një personazh i njohur për drejtësinë shqiptare, pasi disa vite më parë, në 2016 u përfshi në vrasjen e babait të tij, por edhe i akuzuar për dhunimin e një tregtari në Durrës që vdiq pas goditjeve. Megjithatë Kurti mundi që të fitonte lirinë në të dyja rastet.
Elvi Levendi akuzohet për veprën penale “Vrasje me paramendim” të kryer në bashkëpunim në dëm të Jurgen Kurtit. Vendimi në apel u mor sot nga trupi gjykues me Relatore Gjyqtare Elona Toro dhe anëtare Edlira Petri dhe Lutfije Celami, të cilët vendosën lënien në fuqi të vendimit të Gjykatës së Rrethit Gjyqësor Tiranë të dhënë më 01.03.2021.
