GREQI– Vijon të jetë e tensionuar situata në Selanik. Protesta kanë vazhduar dhe mbremjen e sotme. Dhjetëra qytetarë romë janë përplasur me policinë ku nuk kanë munguar sërish aktet e dhunës. Të shtëna armësh gjithashtu janë dëgjuar ndërkohë që ka pasur edhe bomba molotov të hedhura në drejtim të policisë.
Sipas Protothemës, ngjarja ka ndodhur kur personat e mbledhur më herët në vendngjarje, duke ndezur zjarre dhe duke vendosur barrikada, kanë sulmuar, para dhe gjatë ndërhyrjes së forcave të policisë, duke hedhur gurë dhe sende të tjera drejt MAT-it.
