TIRANË- Ervis Martinaj një emër i njohur për shumë kohë në vendin tonë e jo vetëm, sot sërisht në kryefjalë! Kanë qënë familjarët e tij që kanë bërë një rekurs në Gjykatën e Lartë për të kundërshuar vendimin e SPAK-ut. Dorëzues i padisë janë Mustafe Martinaj, Vasilika Martinaj, Ervis Martinaj, Drenica Martinaj, Erjona Martinaj, Roberta Martinaj, Daris Kacorri, Alfio Kacorri dhe Valentino Kaco.
Ajo çfarë ka vendosur SPAK ka të bëjë pikërisht me sekuestrimin e pasurive të këtij të fundit.
Kujtojmë këtu se emri i Ervis Martinajt është lakuar shpesh pas vitit 2013. Ai u denoncua për kanosje nga një komandant i forcave “Shqiponja” të Policisë së Shtetit në Tiranë, me nisjen e operacionit “Fundi i Marrëzisë”, për lojërat e fatit. Pas denoncimit, ai u shpall në kërkim.
