KORÇË– Alma Beqiri ka dalë këtë të hënë para togave të zeza të Gjykatës së Korçës. Beqiri me detyrë agjente e shërbimeve postare private akuzohet se nëpërmjet mashtrimit, ka përvetësuar shumën 3 000 000 euro nga kompania ADEX. Para trupës gjykuese ajo ka deklaruar se nuk shuma 3 milionë euro është stisur nga posta private dhe se ju detyrohet vetëm 200 mijë euro.
Alma Beqiri: Jam debitore vetëm për 200 mijë euro kundrejt postës, ndërsa pjesa tjetër është farsë e ngritur nga subjekti.
Ndërsa avokati i saj duke folur për mediat pas seancës gjyqësore që e la në burg Beqirin deklaroi se shifrat nuk rakordojnë me shifrat me postat e ‘ADEX-it’. Sipas tij kemi të bëjmë me një mosmarrëveshje civile dhe jo penale.
Avokati: Kemi të bëjmë me një mosmarrëveshje të pastër civile dhe jo vepër penale. Të gjitha shifrat krejtësisht fiktive dhe kemi të bëjmë me një çështje të karakterit fiskal dhe tregtar. Nuk ka përvetësim, fshehje, vjedhje por ka mos akordim për një pjesa të detyrimeve qe nuk dihet sa janë. Beqiri gjatë seancës ka thënë se nuk ka asnjë lloj dëshire për tu mos u kthyer këto para. Kjo çështje do të zgjidhet ne momentin qe do ketë rakordim financiar. Makinat e sekuestruara janë blerë përpara kur pretendohet të ketë ndodhur fakti penal.
