Përplasjet mes ‘Wagner’ dhe ushtrisë ruse, janë përshkallëzuar, e ndërsa media britanike e quan këtë situatë nisjen e luftës civile ruse. Sipas Daily Mail mercenarët e ‘Wagner’ thanë se kanë marrë peng një kolonel të ushtrisë së rregullt të Putinit.
Koloneli i kapur rob doli në një video të postuar nga grupi Wagner, në të cilën ai pranoi ‘fajësinë’ e tij dhe pranoi se ishte i dehur e prandaj qëlloi në drejtim të një automjeti të Wagner. Kjo vjen pas akuzave të ‘Wagner’ se trupat e rregullta ruse po luftojnë kundër mercenarëve, madje duke vendosur edhe mina kundër tyre. Mercenarët e ‘Wagner’ kanë luftuar për Putinin në Ukrainë dhe kanë arritur të pushtojnë qytetin Bakhmut pas muajsh luftime të përgjakshme. Por suksesi i grupit ‘wagner’ ka zemëruar komandantët e ushtrisë ruse dhe marrëdhëniet mes tyre janë helmuar ndjeshëm.
Shefi i Wagner-it, Yevgeny Prigozhin, ka nisur disa sulme verbale ndaj udhëheqësve ushtarakë të Putinit. Ai i ka akuzuar ata se kanë urdhëruar trupat e tyre të tërhiqen nga pozicionet e tyre dhe kanë lënë luftëtarët e Wagner të pambrojtur në vijën e frontit.
