Ditën e sotme Ministria e Arsimit dhe Sportit me në krye Evis Kushi ka vënë në dispozicion të universiteteve publike 300 milion lekë për projekte që kanë në fokus përmirësimin apo rritjen e infrastrukturës akademike, didaktike dhe kërkimore, bazuar në marrëveshjet për programe të përbashkëta ose të dyfishta me universitete të huaja etj. Sipas këtij urdhrin, universitetet, përveç kërkesës për financim, duhet të bashkëlidhin në aplikim edhe projekt-propozimin, ku të identifikohen qartësisht objektivat, aktivitetet, kostot e parashikuara dhe masa e bashkëfinancimit. Thirrja do të qëndrojë e hapur deri më 20 Qershor të këtij viti, ndërsa vlerësimi do të kryhet brenda datës 30 Qershor 2023.
“Në kuadër të procesit të ndërkombëtarizimit të arsimit të lartë, ftojmë të gjitha universitetet publike që të aplikojnë në thirrjen e MAS me projekte për zhvillimin, përmirësimin apo rritjen e infrastrukturës akademike, didaktike dhe kërkimore, bazuar në marrëveshjet për programe të përbashkëta ose të dyfishta me universitete të huaja”- shkruan Kushi.
