TIRANË Detaje të reja kanë dalë në dritë nga vrasja e Joy Aoko, 22-vjeçares nga Kenia, e cila u vra në mënyrë makabre në gusht të vitit 2022. Kështu mësohet se Prokuroria e Tiranës ka identifikuar nga kamerat e sigurisë një tjetër punonjës të kazinosë ku punonte 22-vjeçarja. Ky i fundit, e nde i paidentifikuar me emër për arsye të hetimit ka pranuar se e ka shoqëruar të renë disa herë nga kazinoja në mbyllje të turnit drejt banesës. Gazetarja e kronikës Klodiana Lala bën me dije se ai e ka shoqëruar disa herë Joy-in në banesë dhe kështu ai është futur në listën e të dyshuarve nga Prokuroria e Tiranës.
Klodiana Lala: Ai deklaron se më 12.8.2022 ku Xhoi u gjet e dhunuar ka qenë në punë nga mesnata deri në 8 të mëngjesit dhe në datë 13 ka qenë në punë turn i tretë. Ai thotë se gjatë kohës që punonte, e ka shoqëruar vajzën disa herë në hostelet ku qëndronte. Sipas tij ajo udhëtonte me biçikletë dhe kohët e fundit kishte blerë një skuter. I pyetur se çfarë marrëdhënie kishte pasur ai ka deklaruar se ka pasur marrëdhënie pune dhe kolege. Por më pas pretendon se e ka përcjellë disa herë me kërkesën e tij. Në një moment thotë ai unë kam, shkuar jo vetëm tek hosteli në Ali Dem, por edhe tek resorti ku u gjet e dhunuar. Një herë e kam shoqërizuar, më kujtohet që me kërkoi që të ngjitesha te dhoma e saj. Aty kemi qëndruar, kemi pirë cigare për 20 min dhe më pas unë jam larguar. Ajo ishte një personazh shumë miqësore dhe nuk e kishte parë që të konsumonte lëndë narkotike. Pasi është gjetur e dhunuar unë kam dhënë gjak në spitalin e Traumës.
Joy u gjet e pajetë poshtë banesës së saj në Tiranë. Pasi ishte droguar dhe dhunuar barbarisht atë më pas e kishin hedhur nga ballkoni i katit të tretë. Ajo qëndroi për disa muaj në koma dhe ndërroi jetë në vendlindjen e saj në Kenia.
