TIRANË: Policia rrugore e Tiranës në një njoftim ka bërë me dije kontrollet e qarkullimit rrugor në këto orët e fundit!
Nga monitorimet e bëra janë pezulluar 9 leje drejtimi, për qarkullim me shpejtësi deri në 170 km/h, si dhe janë vënë 51 masa administrative për shpejtësi mbi normën e lejuar, për shpejtësi dhe përdorim celulari, për shpejtësi dhe mosvënie të rripit të sigurimit dhe për përdorim telefoni.
NJOFTIMI I POLICISË:
”Vijojnë kontrollet dhe monitorimi i qarkullimit nga Njësia Operacionale e Policisë Rrugore në Drejtorinë e Përgjithshme të Policisë së Shtetit, në bashkëpunim me Komisariatin Rajonal të Policisë Rrugore, edhe gjatë natës, duke përdorur mjetet inteligjente. Nga monitorimet me Poliscan, gjatë orëve të vona të mbrëmjes së djeshme, janë konstatuar shpejtësi nga 151 km/h deri në 170 km/h, në unazën lindore Farkë-TEG, ku shpejtësia maksimale e lejuar është 80 km/h.
Si rezultat janë pezulluar 9 leje drejtimi, për qarkullim me shpejtësi deri në 170 km/h, si dhe janë vënë 51 masa administrative: për shpejtësi mbi normën e lejuar; për shpejtësi dhe përdorim celulari; për shpejtësi dhe mosvënie të rripit të sigurimit; për shpejtësi, përdorim celulari.”
