UKRAINË: Është shpallur gjendja e jashtëzakonshme nga Autoritetet Ruse të vendosura në Ukrainë, në rajonin e Nova Kakhovka, pasi struktura e sipërme e digës u ça dhe zona u përmbyt pjesërisht.
Sipas kryetarit pro-rus të bashkisë, Vladimir Leontiev vendimi hyri në fuqi në orën 12 të mesditës, sakaq niveli i ujit pranë Nova Kakhovka, i pushtuar nga Rusia më shumë se 15 muaj më parë, aktualisht është më shumë se 10 metra. Sipas shërbimeve të urgjencës janë aktualisht janë 600 shtëpi të cilët janë përmbytur.
“Uji është ngritur dhe vazhdon të rritet. Qyteti është përmbytur, bulevardi Dnepr tashmë është nën ujë. Kjo do të thotë se uji është ngritur më shumë se 10 metra”,- ka deklaruar ndër të tjera kryebashkiaku rus.
