BERAT– Pasi SPAK lëshoi urdhër arrestin për Kryebashkiakun Vangjush Dako, ndër të parët që reaguan mbi këtë lajm ishte kryeministri i vendit Edi Rama. Në fjalën e tij nga qyteti i Beratit Rama tha, se duhet bërë durim në luftën kundër korrupsionin dhe se vendi ka hyrë në një fazë të re, të asaj që po goditen njerëzit e lidhur me pushtetin.
Sakaq, ai shtoi se i vjen keq kur shikon një person që kohë më parë ka qenë krah tij, e që sot ndodhet krah avokatit/gjykatësit/ prokurorit për t’u përballur me drejtësinë.
FJALA E EDI RAMËS:
”Duhet bërë durim edhe në luftën kundër korrupsionit, sepse kemi hyrë në një fazë të re, ku për herë të parë në histori po goditen njerëz të lidhur me pushtetin. Kjo nuk është e lehtë, sepse nuk ndjehesh mirë, kur shikon dikë që deri dje ka qenë krah teje dhe tani është krah prokurorit dhe gjykatësit.Por edhe kur shikon që mund të përdoret forca e pushtetin për të bërë gjëra që nuk duhet. Kurrë s’ka ndodhur më parë. Për këtë ne duhet të jemi krenarë për PS dhe kontributin që japim”
