TIRANË– Një aksident i rëndë është regjistruar mëngjesin e kësaj të mërkurë në autostradën Tiranë-Durrës në afërsi të Sukthit. Raportohet se dy makina janë përplasur me njëra-tjetrën ku për pasojë disa persona kanë mbetur të plagosur.
Policia dhe ekipet e emergjencës kanë mbërritur në vendin e ngjarjes. Ende nuk dihet gjendja shëndetësore e të plagosurve. Grupi hetimor po punon për zbardhjen e plotë të rrethanave të ngjarjes.
