SPANJË- Policia spanjolle ka bërë të mundur gjetjen e trupit të shqiptares 22 vjeçare, e cila prej 9 vitesh rezultonte e zhdukutr nga familjarët e saj!
Behet fjalë për Sibora Gagani e cila rezulton e zhdukur që nga viti 2014, në banesën që ajo ndante në Málaga me të dashurin Marco R., autorin e dyshuar të vrasjes. Sipas mediave spanjolle i dashuri i së ndjerës ka kryer vrasjen e saj për arsye që ende nuk dihen, në polici ai është shprehu se e kishte vrarë dhe murosur Gaganin, si dhe shtoi se kishte përdorur dhe acid për të zhdukur trupin e saj. Sakaq, eshtrat e gjetura janë dërguar në Institutin e Mjekësisë Ligjore në Malaga për të konfirmuar se i përkasin të resë së zhdukur përmes analizave të ADN-së. E gjithë kjo ngjarje u zbulua nga Policia spanjolle pasi vetëm para pak ditësh autori i dyshuar për vraasjen e shqiptares u arrestua për vrasjen me thikë të bashkëshortes së tij të re.
Pas dëgjimit të këtij lajmi, të afërmit e Siborës dyshuan se ai kishte lidhje me zhdukjen e saj, siç ndodhi më në fund.
Kujtojmë se, Sibora Gagani u shpërngul me Marco R. në Costa del Sol në vitin 2011 dhe u zhduk më 7 korrik 2014, pak pasi ndërpreu marrëdhënien me të, një datë prej të cilës familja e saj, e cila banon në Itali, nuk kishte asnjë informacion mbi vendndodhjen e saj.
