TIRANË: Deputetja e Partisë Demokratike Albana Vokshi ditën e sotme në një deklaratë për mediat ka bërë me dije që minimumi jetik në vendin tonë duhet të ndrysdhojë. Ne fjalën e saj Vokshi shprehu se është çuar një grup pune në PD dhe pikërisht ditën e sotme propozimi shkon për parlamentin sa i takon miratimit brenda një afati 3 mujor të bëjë përcaktimin të minimumit jetik.
FJALA E ALBANA VOKSHIT:
“Kemi depozituar, dhe është ngritur një grup pune pranë PD dhe sot vijmë me një propozim që i kërkon parlamentit që ta miratojë, brenda një afati 3 mujor të bëjë përcaktimin të minimumit jetik. Shqipëria si i vetmi vend pa minimumin jetik, do e këtë të përcaktuar lidhur me të ardhurat që i sigurojnë çdo qytetari blerjen e ushqimeve minimal dhe sigurimin e disa shërbimeve social-kulturore. Të gjithë e mbajmë mend që Rama në opozitë bërtiste atëherë për minimumin jetik, por tani refuzon amendamentet e opozitës.
Sigurisht që kjo kërkon fonde dhe para, por qeveria ka. Pse duhet që Rama të rrisë pagat për qeveritarët, dhe jo për qytetarët pasi i çon paratë e buxhetit të inceneratorët dhe i përdor për blerjen e votës. Çdo pagesë që deri më sot ka qenë nën dysheme, do të jetë 200 euro. Ky do të jetë minimum që do marrin dhe do t’i sigurohet një jetë dinjetoze për t’i siguruar një jetesë normale”.
