TIRANË– Kryeministri Edi Rama e nisi fjalën e tij në përurimin e krijimit të 700 ekipeve sportive në të gjithë vendin duke u bëri thirrje të gjithë të pranishmëve që të broharasin ‘Shqipëri’, ‘Shqipëri’. Kreu i qeverisë tha se mes atyre të rinjve që sot ishin aty janë dhe kampinët e ardhshëm të vendit tonë.
“Në këtë stadium, fjala më e bukur që mund të thuhet është Shqipëri. Nga këtu, e gjithë Shqipëria t’ju dëgjojë ‘Shqipëri, Shqipëri, Shqipëri’. Me këtë lëvizje të madhe sportive, e cila sapo ka nisur, me siguri do të dalin edhe ata kampionë që do të ngrenë lart flamurin e Shqipërisë, ata që do të nderojnë jo vetëm veten e prindërit por mbarë kombin shqiptari. Kjo është një lëvizje për shëndetin, për mendjen e shëndoshë, për të kaluar të bashku orët e lira duke u argëtuar e duke garuar me njëri-tjetrin e në fund duke fituar. Paçi vetëm fitore”, tha Rama.
