TIRANË– Ish-kryetari i Partisë Demokratike Lulzim Basha vijon turin e tij të takimeve në qytete të ndryshme të vendit. Këtë të mërkurë Basha u ndal më një bashkëbisedim me të rinj në Elbasan ku hodhi akuza ndaj kryedemokratit Sali Berisha. Sipas Bashës demokratët u ndanë pasi Berisha ngriti “flamurin” e interesave personale mbi atë të demokratëve. Po ashtu ai solli dhe tre propozime që sipas tij do të pastrojnë politikën nga të korruptuarit! Tre propozimet e Bashës konsistojnë në: Listat e hapura, vota e emigrantëve dhe referendumi popullor.
Lulzim Basha: Nga e thëna në të bërë është në mes një det i tërë. E keqja e kësaj është se duhet të vija më herët. E mira është se kam marrë pak kohë, që nga momenti i dorëheqjes për të reflektuar pak dhe për të parë përtej saj çfarë ndodhi në familjen tonë politike dhe çfarë shkoi keq. Iluzioni se mënyra më e mirë pas daljes në 2013 për të qëndruar dhe për t’u rikthyer ishte të ruanin kompaktësinë e numrave. Kjo mënyrë automatike na u kthye në një sëmundje që për hir të vlerës reale, elektorale të një individi të mbyllnim sytë para korrupsionit të atij individi. Në vend që të pastroheshin nga korrupsioni, i mbajtëm aty dhe vazhdonim ti kishim në poste drejtuese, nisin nga kalkulime elektorale. Dhe kjo na ka dëmtuar rëndë, sepse ka qenë projektimi i një rruge të shkurtër që del gjatë. Sot dëgjoni thirrjet për bashkim. E para punës; demokratët nuk u ndanë se donin të ndaheshin, u ndanë për interesa personale. Ne që qëndruam, qëndruam për parime. Aleanca me të keqen nuk pjell asgjë të mirë. Bashkimi nuk mund të vijë si diçka mekanike, por do të vijë me vlera. Nuk mund ta bëjmë pis këtë shpresë, me lloj-lloj alencash. Aleanca që duhet të kemi është kundër korrupsionit, çdo kush duhet të ndihet i mirëpritur nëse ka këto vlera. Me duart tona kemi larguar mijëra njerëz, rotacion është një term që ikën një parti, e vjen një parti tjetër. Ne kemi nevojë për ndryshim të thellë. Është e nevojshme të mbështetemi tek rinia, pa kalkulime, e ekspozuar ndaj dijeve, por edhe ndaj një mënyre, një informacioni që nuk mund të merrje para 10 viteve. Kemi një rini jo apatike, jo indiferente, është apatike ndaj politikës, por është e përgjegjshme për të marrë në dorë fatet e vendit. I themi vetes parti e djathtë; është turp që kundërshtari ka akte ligjore baraz apo më shumë për të ndihmuar të përndjekurit. Unë akoma nuk kam pasur mundësi të bëja realitet atë që është e drejta e të përndjekurve. Ndiq paranë është dhe thelbi i tre propozimeve që kam zbritur në këto takime me rininë, i vetëquajtur Vetting politik. Çdo person, 230 njërëz që marrin përsipër t’ju përfaqësojnë, duhet ti nënshtrohen një kontrolli nëse justifikojnë pasurinë. Është i njëjti proces që i nënshtrohen prokurorët, që do ta bëjnë dhe oficerët e policicë. Është propozuar edhe për anëtarët e administratës, ky është një nga propozimet në të cilat kam dalë në këtë tur takimesh. A e meritoni ju këtë transparencë? E prapëseprapë është i vetëkuptueshëm, kemi prej 2018 që e propozjmë dhe nuk po biem dakord një ligj që politikanët. E para; këta njerëz marrin vendimet që prekin jetën tuaj. Këta njerëz duhet të jenë të lirë nga konflkt interesi. Listat e hapura, deputetë dhe Këshilli Bashkiak ti zgjidhin sipas votës suaj. Të çoni në Parlamement atë që doni ju, dhe jo atë që do partia. Ka 33 vjet dhe vetëm 3 persona qëndrojnë në skenë, ikin dhe vijnë. Trekëndëshi i Bermudës. Por kështu do vazhdojmë ne? Çfarë presim nga një njeri në vitin e 9-të, që se ka bërë 8 vite më parë? Garanci për më shumë të këqija. Të kesh pushtet absolut është recetë për korrupsion. Votën e emigrantëve: a ka njeri prej nesh që nuk ka njeri në emigracion? Gjysma e Shqipërisë janë emigrantë, janë vëllëzërit e motrat tona në kërkim të një jete më të mirë. Por nuk kanë mundësi të shprehen me votë, përveçse të vijojnë këtu. Vende që kanë këtë problem të emigracionit, u’a kanë mundësuar diasporës të votojnë aty ku janë. Prej vitesh kjo qeveri refuzon ti regjistrojë. Duhet të jetë një proces votimi i paqortueshëm. Çfarë instrumentesh kemi në dorë, për të mos injoruar zërin e qytetarëve? Është referendum popullor për të pyetur popullin, në a janë apo nuk janë në favor të këtyre që ‘gjyshërit’ me shokë të mos kapen pë një paketë kontrabandë cigare dhe të bëhen shembull që të mos ecin në atë rrugë, por prapa hekurave. Kjo është dicka që është në dorën tonë. Faktin që nuk e transmetojnë thelbin e tyre që diskutojmë, tregon se u ka hyrë frika.
