GREQI: Mediat greke kanë raportuar këtë të mërkurë se një 52-vjeçar me origjinë shqiptare u arrestua në zonën e Glyfada në Greqi. Nga informacionet ky i fundit kërkohej me një urdhër-arresti evropian, si drejtues i një organizate kriminale të përfshirë në grumbullimin dhe shpërndarjen e shumave të mëdha parash në Holandë nga tregtia e drogës. Prokuroria e Drogës në Drejtorinë Operative të SDOE- së në Glyfada, kanë bërë të mundur arrestimin e shqiptarit i cili ishte anëtari kryesor i kartelit të drogës. Thuhet ndër të vjera që ky 52-vjeçar “pastroi” 250 milionë euro në një periudhë 10-mujore.
Ndërkaq, autoritetet holandeze kanë kërkuar ekstradimin e tij, por ai refuzon. Gjatë hetimit janë sekuestruar edhe telefona celularë, përfshirë një celular që përdoret për biseda të koduara përmes aplikacioneve speciale, tableta, disqe dixhitale dhe karta SIM. Në fakt, njëri nga dy celularët konsiderohet shumë i rëndësishëm dhe do të ndihmojë në hetimin e autoriteteve holandeze.
