KATAR– Sot do të luhen dy ndeshjet më të rëndësishme çerek finale ku vetëm dy skuadra do të presin biletën për gjysmë finale. Kemi Marokun kundër Portugalisë, ndeshje që do të luhet në orën 16:00 e cila nuk do të jetë ndeshje shume e lehtë për Portugalinë pasi Maroku i ka qëllimet e qarta me shumë besim ne vetëvete e me një shpirt luftarak deri në fund të sfidës për të fituar e për të arritur të rrëmbejë gjysëm finale.
Ndeshja e mbrëmjes ajo e orës 20:00 do të jetë mes Anglisë dhe Francës, e cila duket si një ndeshje e parakohëshme finaleje.
Ndeshje e fortë, përplasje titanësh , emocione që të mbajnë gozhduar deri në minutë të fundit, spektakël shpeshëherë me lot e gëzim do të shihen sot në këtë ndeshje të jashtëzakonëshme. Asgjë nuk është e sigurt dhe nuk mundë t’ia vëmë gishtin askujt për fitore, por nuk ka dyshim që do të jetë një ndeshje e gjatë dhe e bukur .
Mos harrojmë që dy gjysmë finalistët e parë janë Kroacia dhe Argjentina që do të ndeshen së bashku për të siguruar vëndin sa më të afërt drejt fitores së kupës
