TIRANË– Kryeministri Edi Rama ka deklaruar këtë të enjte në një konferencë urgjente për mediat se nuk po sulmon kryeministrin e Kosovës Albin Kurti. Sa i përket draftit të propozuar prej tij ai tha se do të jetë neutral dhe se nuk ka asnjë interes të ngushtë për të tu bërë faktor pasi siç thotë Rama ai nuk merr vota në Kosovë.
Edi Rama: Nuk sulmoj Albin Kurtin. Kurtin e fajëson bota e tërë demokratike me emër dhe mbiemër dhe kjo më shkakton keqardhje dhe nuk shoh pse duhet të ndodhë kështu. Nuk jam për të sulmuar Kurtin, këto janë deduksione të gabuara. Pozicioni i të qenurit kryeministër i Shqipërisë janë palë. Drafti është neutral në këtë pikë. Nuk është bërë as për njërin as për tjetrin, por për Kosovën në radhë të parë. Unë nuk marr vota në Kosovë. Nuk kam asnjë interes në Kosovë as në aspektin profesional dhe as politik ngushtësisht. Si kryeministër i Shqipërisë që sheh sesi një pjesë e kombit tim po hyn në një kurs përplasjesh me ata që lartësuan kombin tim dhe që hodhën bomba ndaj kombit, e ndjej për detyrë.
