ITALI: Gilda Sportiello, deputete e “Lëvizjes 5 yje” e ulur në karrigen e saj, gjatë sencës plenare pasi mori pjesë në votimin përfundimtar të projektligjit për administratën publike ushqeu me gji në mesin e kolegëve të saj foshnjën dy muajsh.
Pikërisht kjo situatë solli komente të ndryshme ku shumë kolegë e mbështetën deputeten, po ashtu edhe partia politike që kjo e fundit përfaqëson në një postim në faqen zyrtare ‘5 Yjet’ u shpreh se çdo nënë ka të drejtë të zgjedhë se kur dhe ku ta ushqejë me gji fëmijën e saj dhe asnjë gruaje, cilido qoftë profesioni i saj, nuk mund t’i mohohet më kjo e drejtë.
Reagimi i partisë 5 Yjet:
“Fakti që në vendin e punës, çdo grua ka një hapësirë të dedikuar për mundësinë e dhënies së gjirit të foshnjës së saj nuk mund të jetë një privilegj, por duhet të jetë diçka normale. Nuk duhet të ndodhë më që gratë të detyrohen të ndërpresin ushqyerjen me gji jo me zgjedhjen e tyre, por sepse duhet të kthehen në punë. Çdo nënë ka të drejtë të zgjedhë se kur dhe ku ta ushqejë me gji fëmijën e saj dhe asnjë gruaje, cilido qoftë profesioni i saj, nuk mund t’i mohohet më kjo e drejtë”, shkruhej në një postim në faqen zytare të “Lëvizja 5 yjet”.
