TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka lënë në burg ish-kryebashkiakun e Durrësit Vangjush Dakon, i cili së bashku me nëntë zyrtarë të tjerë të Bashkisë akuzohen për shpërdorim detyre dhe falsifikim dokumentesh. Në seancën maratonë Dako ka mohuar të ketë shkelur ligjin duke “larë” duart nga akuzat.
Ndërkohë pas daljen nga seanca avokati i tij Petrit Ismaili u shpreh se kjo masë është e papërshtatshme dhe nuk plotësohen kushtet. Sipas tij GJKKO duhet të kishte dhënë një masë më të butë sigurie për Dakon pasi faktet e prokurorisë nuk qëndrojnë.
Petrit Ismaili: Vendimi për mendimin tonë është në dispropocion për kohën e kryerjes. Dako po hetohet për një fakt penal historik. Ka 10-12 vjet që pretendohet për veprën penale, po t’i referohemi dispozitave për këto lloj masa sigurimi kërkohet një veprim procedurial i ngutshëm për të marrë këtë masë. Vevepra penale ka mbi 10-12 vjet. Prokurori nuk tregoi asnjë provë për këtë veprim të ngushtshëm e asnjë provë për të justifikuar kushtet e kriteret e masës së sigurisë. Kërkesa jonë është ndryshimi i masës së sigurisë. Dako e ushtron aktivitetin e tij nëpërmjet organeve kolegjiale. Çdo strukturë ka përcaktuar detyrat. Nuk mund të mbajë kryetari përgjegjësi për strukturën organike. Edhe gjatë gjykimit sidomos për veprën e dytë doli qartë që është lapsus i prokurorisë. E pranoi lapsusin dhe do e provojmë që vepra penale nuk ekziston.
Akuzat që çuan në pranga Vangjush Dakon
Rasti i parë: Ish-kryebashkiaku i Durrësit Vangjush Dako dhe nëntë bashkëpunëtorët e tij në bashki, të cilët po ashtu janë vënë në pranga nga Prokuroria e Posaçme Kundër Korrupsionit dhe Krimit të Organizuar akuzohen për ‘shpërdorim detyre’ dhe ‘falsifikim dokumentesh’. Kjo akuzë ka të bëj me një pallat që u nis me 7 kate në 2010 dhe përfundoi 11 kate në vitin 2014. Ky pallat për shkak se nuk ishte bërë kontrolli sizmik nuk arriti që të përballonte tërmetin në vitin 2019 dhe u dëmtua. Për këtë u arrestua dhe ndërtuesi i pallatit Fiqiri Farruku. Lidhur me këtë rast SPAK ka vënë në akuzë ish-kryebashkiakun Vangjush Dakon, Drejtorin e Drejtorisë së Kontrollit dhe Planifikimit të Territorit Adhurim Qehajaj. Arkitektin Ermal Lama, projektuesen Meri Semini topografët Fatmir Ejupi dhe Adrian Bulku.
Rasti i dytë ka të bëjë me një tender të datës 25 mars 2014 për shërbim konsulence, sigurimin e një projekti të quajtur “Projektim zbatim për Promenadën Bregdetare dhe Plazhin publik nga Bërryli deri në Currila”. Për këtë akuzohen Vangjush Dako dhe grupi punës i përbërë nga, Adhurim Qehajaj, Diana Dedja, Adnan Toçila, anëtarë të cilët kanë patur si detyrë, përcaktimin e termave të referencës dhe fondin limit. Fondi limit i tenderit në fjalë ishte 21 milionë lekë, por për shkak të një gabimi në sipërfaqen e projektit, ku u ndryshua nga 2.04 hektarë në 20.4 hektarë, vlera arriti në 210 mln lekë.
