TIRANË– Deputeti i Partisë Socialiste Erion Braçe “fajtorin” për mosfunksionimin si duhet të organeve të drejtësisë e sheh tek ndërhyrjet politike. Gjatë fjalës së tij në foltoren e Kuvendit Braçe tha se ka politikanë ndaj të cilëve ka numër të madh kallëzimesh dhe se deklaratat e këtyre të fundit kundër organeve të drejtësisë janë thjeshtë “paradë”.
Erion Braçe: Nga këtu buron kultura e marrëdhënieve me institucionet. Që pas reformës në drejtësi kam vendosur mos të flas këtu për vendimet e gjyqësorit në respekt të institucioneve të drejtësisë. Me atë reformë u dhamë mundësinë prokurorëve dhe gjyqtarëve që të veprojnë, ndërsa politikanët vetëm të dëgjojnë. Parada e politikanëve të zhytur deri në fyt nuk u bën nder organeve të drejtësisë. Presioni që vjen nga politika nuk lejon të bëhet drejtësi. Nëse ka pasur një pyetje që mund të ishte pyetje e pamundur por që u bë në komisionin e ligjeve, nëse do vazhdojë kjo këngë patjetër që nuk do ketë drejtësi.
