Largimi nga mbledhja e një pjese të deputetëve të grupit parlamentar të PD, në momentin kur do të hidheshin në votë propozimet, është lënie mes e përgjegjësisë lështu tha anëtarja e kryesisë së PD Taulanda Jupi për Euronews Albania duke komentuar atë çfarë ndodhi në mbledhjen e kryesisë së PD 2 ditë më parë.
Jupi i shpreh se ajo mbledhje kryesie ishte e një rëndësie të veçantë, pasi siç theksoi mbante 32 vite të historisë së PD.
“Janë larguar rreth orës 1 pas mesnatë. Ishte një situatë që i kishim rakorduar të gjitha projektet dhe po kërkonim të hidheshin në votë, që është procedura më e thjeshtë në një mbledhje. Në këtë moment disa nga anëtarët e grupit parlamentar, pasi edhe debatet ishim me zë të lartë, pretendonin se u paragjykuan në kërkesat e tyre. Pas 7 orësh mbledhje, i vetmi mjet demokratik është vota, cili projekt do gjejë më shumë mbështetje. Unë e konsideroj një lënie të përgjegjësisë, largimin nga ajo mbledhje. Ajo mbledhje ishte me përgjegjësi shumë të madhe, mbante 32 vite të historisë së PD. unë mendoj se kemi humbur shumë kohë, çdo vonesë në vendimmarrje dëmton PD. PD nuk ka më kohë për të humbur përvese të riorganizohet”, tha Jupi
