Një 99-vjeçar diplomohet në filozofi në Universitetin e Palermos
Edhe pse ka lindur në vitin 1923, ka dy fëmijë, katër nipër e mbesa, Giuseppe Paternò ende dëshiron të mësojë. Pas dy vitesh të tjera studime në Universitetin e Palermos, pak ditë më parë ai u diplomua për Studime Filozofike dhe Historike. Pas bachelorit kreu edhe masterin.
Paterno e mbylli ciklin e dytë të studimeve me të gjitha 10-a.
Giuseppe Paternò ka jetuar në Capo, Palermo në një familje të varfër me shtatë vëllezër. Pavarësisht notave të shkëlqyera, babai vendosi se duhej të punonte. Ai punoi fillimisht si fatorino dhe më pas në hekurudhë. Vetëm në moshën 30-vjeçare Giuseppe mundi të merrte diplomën e tij si topograf në shkollën e natës. Më pas kultivoi pasionin për të shkruarin, madje botoi një libër. Falë një filozofi torinez të njohur në Chianciano, ai filloi të studionte filozofi. Në vitin 1984 doli në pension që nga ajo kohë nuk ka pushuar së lexuari dhe studiuari, derisa e kurorëzoi punën e tij me diplomën master në filozofi.
