TIRANË– Kryetari i Partisë Demokratike Sali Berisha ka hedhur akuza të forta këtë të premte ndaj kryebashkiakes së Kurbinit Majlinda Cara. Sipas tij kjo e fundit një ditë para zgjedhjeve vendore të 14 majit së bashku me bashkëshortin e saj Vladimir Cara kanë bërë presion dhe “terror” ndaj votuesve në Kurbin. Kryedemokrati tha se ajo shoqërohej nga 20 persona të armatusur të cilët kanë ofenduar efektivët dhe ish-kryepolicin e Lezhës të shkarkuar nga vettingu në polici.
Sali Berisha: Terror, para dhe dhunë kanë qenë zgjedhjet në Kurbin. Në datën 13 maj në orët e vona të natës, strukturat e PD kurbin kanë denoncuar dy foristrada që po shpërndanin para, njëra prej tyre ishte me targë të vjedhur dhe brenda ishte bashkëshorti i kanidiates së PS, Vladimir Cara. Janë shoqëruar në komisariat për hetime të mëtejshme, paspak ka mbërritur drejtori i qarkut Lezhë dhe kanididatja Cara bashkë me 20 persona të armatosur që kanë trysnuar, ofenduar forcat e rendit dhe drejtorin që e nxorën me vetting jashtë. E gjithë kjo batërdi, ishte sepse ata shoqëruan dy foristrada në komisiariat. Më 14 maj qendrat e votimit janë pushtuar nga ounonjës të bashkisë Lezhë, u ndërpre votimi dhe u njoftua policia për të larguar personat e paautorizuar. Janë shpërndarë haptaz para, seria e provave është e pafundme, ne i paraqesim dhe deklarojmë se kjo farsë elektorale nuk mund të njihet kurrë, që e organizoi Rama me makinerinë e frikës dhe terrorit ndaj votuesve.
