TIRANË– Ervin Bushati, kandidati për Ambasador i Shqipërisë në Shtetet e Bashkuara të Amerikës ka paraqitur planin dhe objektivat e tij para deputetëve të Komisionit për Politikën e Jashtme nëse do të zgjidhet si ambasador në SHBA. Gjatë fjalës së tij Bushati se SHBA është partner strategjik dhe themel i politikës së vendit tonë me jashtë, ndaj dhe ai në detyrën e re si ambasador do ndihmojë që marrëdhënia me këtë të fundit të kultivohet dhe rritet më tej.
Ervin Bushati: Shpresoj që ajo që është ndërtuar deri më sot të kultivohet dhe të rritet më tej, SHBA patjetër që janë partnerët tanë strategjik dhe janë themel i politikës sonë të jashtme. Gurin e parë të këtij themeli e ka vendosur shqiptari, kemi në mënyrë të singronizuar kudo të gjithë aprovimin për SHBA, janë kapitali kryesor për politiken e jashtme, e ndjej peshën e këtij misioni dhe do përpiqem me gjithë forcat e mia për këtë detyrë, e ndjej si detyrën e jetës. Kam pasur nderin që të studioj, jetoj dhe e ndjej si detyrim për të bërë më të mirë, në këtë marrëdhënie të shenjtë që kemi ne me SHBA. Që në antikitet mund të ishim, dhe jemi sot porta hapëse për Ballkanin, ndaj dhe investimi i SHBA për ta rritur mrekullinë e lirisë, të kujdesemi që të jemi gjithmonë partner i besuar i SHBA. Mendoj që me luftën brutale në portat e Europës, Ukrainë patjetër që e ringre rolin e Shqipërisë në NATO si faktor stabiliteti në Ballkan, jemi si gur themel për të deshifruar Ballkanin përmes shqiptarëve, faktor lidhës dhe për bashkues përmes këtij kapitali.
Ndërkohë deputeti i Partisë Demokrati Tomor Alizoti tha se ishte kundër kandidaturës së Bushatit. Sipas tij në postin e ambasadorit në SHBA duhet të jetë një person me serioz dhe me profil me të lartë dhe jo një ish-deputet i Partisë Socialiste.
Tomor Alizoti: Nuk do të doja që një drejtues i PS-së të ishte ambasador në SHBA. I kërkoj ndjesë Bushatit por duhet të kishte përfaqësues më serioz dhe më të lartë, anti-konfomistë. Në këtë post të lartë për Bushatin do isha dakord diku tjetër por jo në Amerikë. Politikisht jam kundër.
