RROGOZHINË– Ka marrë fund arratia për 59-vjeçarin e identifikuar me inicialet A.L, i cili një natë më parë aksidentoi dy vajza të mitura në aksin Rrogozhinë-Peqin dhe u largua nga vendi i ngjarjes. Përmes një njoftimi për mediat Policia bën me dije se vajzat e mitura vijojnë të jenë në spital dhe ndodhen nën kujdesin e mjekëve, fatmirësisht jashtë rrezikut për jetën.
NJOFTIMI I POLICISË:
Specialistët për Hetimin e Krimeve të Komisariatit të Policisë Kavajë arrestuan shtetasin A. L., 59 vjeç, banues në Peqin, pasi në segmentin rrugor Rrogozhinë-Peqin, duke drejtuar mjetin tip “Ford”, ka aksidentuar dy shtetase të mitura 10 dhe 11 vjeç, të cilat ndodhen në spitalin e Durrësit, jasht rrezikut për jetën. Materialet i kaluan Prokurorisë, për veprime të mëtejshme procedurale.
