KOSOVË: Policia e Kosovës ka raportuar për një rast ku një shqiptare në moshë të re ka ndërruar jetë këtë mëngjes në ambientet e Qendrës Klinike Universitare të Kosovës-QKUK. Nga informacionet mësohet se aksidenti kishte ndodhur më 4 qershor në autostradën “Ibrahim Rugova”.
Trupi i pajetë iu dorëzua familjarëve të viktimës.
NJOFTIMI I POLICISË:
“Më 10.06.2023 si pasoje e lëndimeve të marra në aksident, gjersa ishte në trajtim mjekësor në QKUK ka ndërruar jetë viktima femër shqiptare shtetase e Shqipërisë. Me vendim të prokurorit trupi i pa jetë i viktimës u është dorëzuar familjarëve të viktimës.”, bëri të ditur Policia. Aksidenti kishte ndodhur më 4 qershor në autostradën “Ibrahim Rugova”.
