Të gjithëve na pëlqen ndjesia që kemi kur shtrihemi në një shtrat me çarçafë të sapo ndryshuar, dhe gjumi në një shtrat të pastër mund të bëjë mrekulli si për cilësinë e gjumit ashtu edhe për shëndetin tuaj të përgjithshëm. Por, a e dini se ndoshta nuk po i lani mjaft shpesh çarçafët? Ky është pretendimi i ekspertit të shtratit Malik Karman nga Everynight Mattresses, i cili thotë se ne duhet t’i lajmë çarçafët një herë në javë dhe këllëfët tanë të jastëkëve mund të lahen edhe më shpesh se kaq.
Malik thotë se këllëfët tanë të jastëkëve janë gjëja më e rëndësishme për t’u larë rregullisht dhe nëse keni lëkurë ose flokë të yndyrshëm, mund të përfitoni nga larja e këllëfëve tuaj më shumë se një herë në javë. Eksperti tha:
”Pastrimi i një këllëfi jastëku mund të eliminojë vajrat e lëkurës dhe alergjenët e tjerë që grumbullohen në pëlhurë, duke siguruar që sipërfaqja të mbetet e pastër dhe e rehatshme.”
Vetë jastëkët mund të zgjasin pak më gjatë pa u larë për sa kohë që vendosen rregullisht në këllëfë jastëku të pastër, por ju duhet të synoni t’i lani ato çdo katër deri në gjashtë muaj. Dhe nëse e gjeni veten duke anashkaluar ditën e larjes së jastëkëve, mund të filloni të vini re disa probleme shëndetësore që zhvillohen në lëkurën tuaj, pasi një jastëk i ndotur mund të shkaktojë puçrra në fytyrë për shkak të vajrave që grumbullohen në pëlhurë.
