TIRANË– Njazi Ceka, 86 vjeç, i dënuar me burgim të përjetshëm për vrasje është vetëvarur në orët e para të mëngjesit të kësaj të hëne në ambientet e Spitalit të Burgut në Tiranë. Përmes një njoftimi për mediat Drejtoria e Përgjithshme e Burgjeve bën me dije se Ceka ishte shtruar në Spitalin e Burgut pas probleme kardialke ku dhe ishte shtruar në seksionin e kujdesit të vceçantë.
Viktima mësohet se është vetëvarur në tualetin e dhomës. Pavarësisht ndihmës së shpejtë ai nuk ka mundur të mbijetojë. DPB bën me dije se është ngritur një grup pune për të hetuar të gjitha veprimet e stafit.
NJOFTIMI:
– Shtetasi Njazi Raki Ceka, i burgosur me dënim të përjetshëm, ishte shtruar në Spitalin e Burgjeve me datë 01.06.2023, për probleme kardiake i ardhur nga IEVP FDurrës, ku ishte i akomoduar në Seksionin e Kujdesit të Veçantë, për arsye të gjendjes së tij shëndetësore.
– Stafi i Qendrës Spitalore, në momentin e konstatimit të ngjarjes nga ana e punonjësit të shërbimit, është përpjekur ti jap ndihmën e parë pacientit, por pa rezultat.
– Pas konstatimit të faktit, janë njoftuar familja e të ndjerit si dhe organet hetimore.
– Një ekip i DPB me urdhër të Drejtorit të Përgjithshëm, është paraqitur në vend, për të vlerësuar situatën dhe veprimet e stafit, nga ora 07.00 e datës 12.06.2023.
