TIRANË– Një 34-vjeçar i identifikuar me inicialet A.M është vënë këtë të hënë në prangat e Policisë së Tiranë pasi u kap duke shpërndarë lëndë narkotike. Por pas verifikime të kryera i riu rezultoi person i shpallur në kërkim ndarkombetar nga Gjermania si i akuzuar për vrasje e një bashkëkombasi të tij në vitin 2017 në qytetit gjerman Ulm. 34-vjeçari e kishte goditur shqiptarin tjetër me sende të forta duke i shkaktuar dhe vdekjen.
NJOFTIMI I POLIISË:
DVP Tiranë. Specialistët e Seksionit për Hetimin e Krimeve ndaj Jetës arrestuan shtetasin A. M., 34 vjeç, banues në Tiranë. Më datë 11.06.2023, rreth orës 20:40, shërbimet e Policisë kanë ndaluar për kontroll automjetin tip “Benz” me drejtues shtetasin A. M. Gjatë kontrollit fizik, shërbimet e Policisë i kanë gjetur këtij shtetasi, një sasi të vogël lënde të dyshuar narkotike kokainë, e cila u sekuestrua në cilësinë e provës materiale. Pas verifikimeve të kryera ka rezultuar se ky shtetas ishte shpallur në kërkim ndërkombëtar nga Gjykata e ULM/Gjermani, e cila ka caktuar ndaj tij, masën e sigurisë “Arrest në burg” për kryerjen e veprës penale “Vrasja e kryer në bashkëpunim” parashikuar nga Kodi Penal i Gjermanisë. Shtetasi A. M., në vitin 2017, në qytetin e Ulm, Gjermani, është konfliktuar me shtetasin shqiptar Xh. M., të cilin e ka qëlluar me sende të forta, duke i shkaktuar vdekjen. Materialet procedurale i kaluan Prokurorisë, për veprime të mëtejshme.
